MKWE/KIJANA ALIYEOA KWENU UTAMJUA KWA MAVAZI YAKE

Grace Mshanga
Wisdom&Wellness Supervisor

Temeke & Ubungo, Dar-es-Salaam

Mvulana aliyeoa katika familia yenu lazima awe nadhifu, aongee kwa heshima, awe na juhudi katika kazi – hivi ndivyo vitu vitakavyomtambulisha kuwa ni mkwe wenu anayefaa.

JITAHIDI KUWA NA MARAFIKI WAZURI WENGI LAKINI AMINI WACHACHE WANAOKUFAA

Christina Mande
Wisdom&Wellness Counselor

Kizinga, Dar-es-Salaam

Marafiki wazuri watakuunga mkono kwa mambo yote mema unayofanya au unayofikiri kufanya na pia kutokushabikia kufanya maovu. Hawatasita kukuambia ukweli pale utakapofanya au kufikiria kufanya maovu na daima watakuelekeza njia inayofaa.

CHAKULA KIIVAPO WATOTO HUWA WANAKIZUNGUKA HARAKA, LAKINI WAKATI WA KAZI HUTOA SABABU NYINGI

Grace Mshanga
Wisdom&Wellness supervisor

Temeke & Ubungo, Dar-es-Salaam

Watoto wana kawaida kuwa chakula kinapokuwa tayari huzunguka haraka na kuanza kula lakini wakipewa kazi hufanya kwa kinyonge. Hit ni kuwafundisha watoto kuwa wakiwa katika umri mdogo waanze kujifunza kufanya kazi ndogondogo mfano, kuosha vyombo na kufagia sio kungoja chakula tu.

BAADA YA JUA KUZAMA, WASICHANA HAWARUHUSIWI KUTOKA NYUMBANI KWAO

Grace Mshanga
Wisdom&Wellness Supervisor

Temeke & Ubungo, Dar-es-Salaam

Jua likizama na kiza kikianza kuingia wakati huwezi kumtambua vizuri anayekuja mbele yako, wasichana hawaruhusiwi kutoka nje ya nyumba yao. Hii inawalinda wasichana ili  wasitendewe mabaya au kuonewa na wavulana maana wakati huu wavulana huwa matembezini. Pia hii ni njia mojawapo ya kuwafundisha watoto wa kike kuwa na tabia njema.

USIPOZIBA UFA UTAJENGA UKUTA

Sakina Bushiri
Wisdom&Wellness Counselor

Mangaya, Dar-es-Salaam

Usemi huu hutumika kuhimiza au kuwafunza watu kurekebisha mambo kabla hayajaharibika kabisa. Kwa mfano, nguo ikitatuka kidogo shona usiiache ichanike yote utakuja kushindwa kuirekebisha. Kwa hapa ilivyotumika ukuta ukiwa na ufa uzibe la sivyo utaanguka na kukubidi ujenge ukuta mzima.