Wisdom – Page 2 – Mazungumzo ya Busara

MFA MAJI HAACHI KU TAPATAPA

Christina MandeWisdom&Wellness Counselor Kizinga, Dar-es-Salaam Msemo huu huwaasa wale wote ambao wakianguka katika mipango yao usingizia mambo mengi kama watu wanamwonea wivu, wanamloga, hawampendi n.k. Hapo anaangalia alipoangukia bila kuchunguza sababu zizotuangusha ili tuzitatue na kuanza upya.

LAITI NINGELIJUA KABLA

Caroline SwaiWisdom&Wellness Supervisor Kigamboni, Kinondoni & Ubungo,Dar-es-Salaam Hii inawaasa wale wanaopenda kufanya mambo kwa pupa bila kufikiria kwa kina na mara nyingi huishia pabaya wakiwa na majuto.

BAADA YA JUA KUZAMA, WASICHANA HAWARUHUSIWI KUTOKA NYUMBANI KWAO

BAADA YA JUA KUZAMA, UNAPOANGALIA NA HUWEZI KUMTAMBUA MTU, WASICHANA HAWARUHUSIWI KUTOKA NYUMBANI KWAO

USIPOZIBA UFA UTAJENGA UKUTA

Sakina BushiriWisdom&Wellness Counselor Mangaya, Dar-es-Salaam Usemi huu hutumika kuhimiza au kuwafunza watu kurekebisha mambo kabla hayajaharibika kabisa. Kwa mfano, nguo ikitatuka kidogo shona usiiache ichanike yote utakuja kushindwa kuirekebisha. Kwa hapa ilivyotumika ukuta ukiwa na ufa uzibe la sivyo utaanguka na kukubidi ujenge ukuta mzima.

UKISIKIA YOWE KIMBIA KUOKOA JAHAZI

Grace MshangaWisdom&Wellness Supervisor Temeke & Ubungo, Dar-es-Salaam Usikiapo yowe lazima kwenda kutatua tatizo. Kuna sauti maalumu hupigwa ikiashiria tatizo limetokea katika jamii au sehemu hiyo, ni lazima kwenda na kumaliza tatizo kwa ushirikiano.

POMBE SIYO MAJI

Grace MshangaWisdom&Wellness Supervisor Temeke & Ubungo Dar-es-Salaam Msemo huu unawaasa watu hasa vijana wasijiinigize kwenye tabia ya kunywa pombe kwa sababu ya athari zitokanazo na matumizi ya pombe.

MTAKA YOTE KWA PUPA HUKOSA YOTE

Sakina BushiriWisdom&Wellness Counselor Mangaya, Dar-es-Salaam Usemi huu hutumika kuwakanya watu wasiokuwa na misimamo thabiti, wenye tamaa, ambao wanapenda kushiriki katika kila jambo litokealo kwa wakati moja. Wasipokuwa waangalifu, tabia hii inaweza ikawafanya washindwe kufanikiwa hata jambo/shughuli moja.

NDEGE MOJA MKONONI NI WA THAMANI KULIKO KUMI WALIO PORINI

Rustica TembeleFounder & CEO Maana yake ni kidogo chochote ulicho nacho ni cha thamani kuliko vingi ambavyo haviko mikononi mwako. Msemo huu unaweza kutumika kwa kuwaasa watu wenye tabia ya kudharau kidogo walichonacho na kushabikia/kutamani kikubwa wasichokuwa nacho..

NJIA YA MUONGO FUPI

Grace MshangaWisdom&Wellness Supervisor Temeke & Ubungo, Dar-es-Salaam Msemo huu una maana kuwa muongo huweza kugundulika kwa urahisi. Usemi huu unatumika kuwajulisha wasema uongo kuwa hugundulika kwa wepesi sana, ukimuuliza maswali mawili matatu unagundua uongo wake hivyo huwahamasisha kusema ukweli.

MTAKA NYINGI NASAHA, HUMKUTA MINGI MISIBA

Sakina BushiriWisdom&Wellness Counselor Mangaya, Dar-es-Salaam Hii hutumika kuwaasa wale wanaopenda kufanya urafiki na kila mtu au kuwafanya kama ndugu zao hukutwa na misiba mingi kwani kila tatizo la mmoja wao litamhusu yeye pia. Msemo huu unaweza kutumika kwa watu ambao wanapenda kujionyesha ni maarufu na hivyo kutaka waonekane wanashiriki kila jambo litokealo, ukweli ni kwambaContinue reading “MTAKA NYINGI NASAHA, HUMKUTA MINGI MISIBA”